ஆனந்த் அம்பானி- ராதிகா திருமணம்: மும்பையின் முக்கிய சாலைகளில் போக்குவரத்துக் கட்டுப்பாடுகள்

ரிலையன்ஸ் இண்டஸ்ட்ரீஸ் தலைவர் முகேஷ் அம்பானியின் மகன் ஆனந்த் அம்பானிக்கும், ராதிகா மெர்ச்சண்ட் திருமணத்துக்கும் தயாராகும் வகையில் மும்பை ஜியோ வேர்ல்ட் கன்வென்ஷன் சென்டர் அருகே, போக்குவரத்து கட்டுப்பாடுகள் அமல்படுத்தப்பட்டுள்ளன. வெள்ளி முதல் திங்கள் வரை (அடுத்த மூன்று நாட்களுக்கு) மதியம் 1:00 மணி முதல் நள்ளிரவு வரை "விழாவிற்கு வரும் வாகனங்கள்" மட்டுமே இடம் அருகே அனுமதிக்கப்படும். இதன் விளைவாக, பாந்த்ரா குர்லா வளாகத்தில் (BKC) உள்ள பல அலுவலகங்கள் ஜூலை 15 வரை WFH முறையில் பணியாற்றுமாறு ஊழியர்களுக்கு அறிவுறுத்தியுள்ளன. மும்பை போக்குவரத்து காவல்துறை, இந்த விவரங்களை சமூக ஊடகங்களில் பகிர்ந்து கொண்டது, வழக்கமான போக்குவரத்துக்கு மாற்று வழிகளையும் வழங்கியுள்ளது.